ta gama HND dinta nace Allah ya kaimu.....
Ku ziyarci blog dinmu domin karanta Littatafai masu
nishadantarwa Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?
_e_pi_=7%2CPAGE_ID10%2C737012347
Baba shine yayi mana ankon bikin gaba daya ko da
yake kala biyar suka fitar shi kuma biyu yayi mana, ana
sauran kwana goma biki da misalin karfe uku na
yamma ina tsaye bakin kofar yayanmu ina sanye da
atamfa sai karamin hijabina mai less fari takalmina fari
yayanmu yace nazo zai aikeni kafin ya fito daga daki
sai ga wasu abokanshi suka min sallama na amsa
sannan na gaishesu suka amsa min gami da cewa mai
dakin yana nan?nace yana ciki suka ja fararen kujerun
roba da yayanmu ya zuba a gurin suka zauna,sai gashi
ya fito guna ya nufo da leda an rubuta SI super market
a jiki,yace ga wannan ki hau mashin ai kinsan gidan su
mimi ko?nace e yace to ki kaimata kuma ki yi sauri
yanzun nan,ga wannan ya miko mani dari biyar na fita
ba wai don nasan gidansu anty mimi ba bana dai iyayi
mashi musu ne,bansan dalili ba na dai san malali
suke,gidansu Amira na shiga sannan nace don Allah ta

kira mani mami da wayarta mami tace gata nan ma
zuwa gidansu Amiran dana soma mata bayanin cewa ta
min kwatancen gidan su Anty Mimi sai tace min me
zan je inyi?nace yayanmu ne ya aikeni,suka rakani su
da Amira don na hau mashin tayi ma mai mashin din
kwatancen inda zai saukeni muka tafi yanda Mami tayi
mani kwatance haka nabi bayan na sauka a mashin nan
da nana sai gani a gidansu anty mimi na shiga
kannanta na samu suna wasa a harabar gidan sune
suka yi min jagora har ciki nan na sami Haj Laura da
wata kawarta suna hira na gaishesu da farko bata
ganeni ba sai da na gaya mata daga inda nake sannan
ta murtuke fuska tace zauna nan na zauna.Ta daga
murya ta kwala ma Mimi kira kan Mimi ta fito sai
wannan kawar tata take tambayarta wannan yar gidan
wacece?maman tace yar gidan kishiyar hajiya ce
yar'uwata itama ta yatsuna baki tace ai har ta haifi yar
da takai girman haka?ko ba amaryasu ba?tace itama
mana amma ai wannan agola ce sai shegen kankanba
kan ta kuma cewa wani àbu sai ga Anty Mimi ta fito
tace gani Mumy, Hajiya ta dube ta sannan ta nuna
mata ni tace ga mai nemanki nan muna hada ido
gabana ya fadi tace meye kike nemana?nace yayanmu
ne ya aikoni tace yace me?na isa gunta nace gashi
yace na baki ta dubi kayan tace duk gidan ba zai aiko
kowa ba sai ke ko?shegu mayun asiri ni dai nayi shiru
na kasa magana,Haj laure dake zaune can gefe tace to
ko bata kayan ta maida mashi mana,tace tabdi ai shi
momy daban yake in har na bari aka maida kayan nan
ai sai nayi dana sani,ta fincike daga hannuna tace ai
zamu hadu ni dashi,a raina nace kamar zata iya mashi
wani abu,ina jinsu sai faman masifa suke nace ai sai
kuyi a raina,ina fitowa daga gidan na soma raba ido ko
zan ga mai mashin amma ban gani ba na soma tafiya
sai naji ihu ban juya ba naci gaba da tafy mai motar
yaja ya tsaya ya fito ya biyoni yace ke yan mata ina
magana,na juyo cikin dardar don ban taba tsayawa da
wani ba nace lfy?ya ce kalau in har ba zaki damu ba
ina son sanin sunanki nace don Allah mallam kayi
hakuri,nacigaba da tfy ganin yana ta bina gashi ban
sami mashin ba ko wane yazo sai ka ganshi da mutum
akai nace sunana Amira yace to ina ne gidanku nan dai
nayi mashi kwatancen gidansu Amira muka rabu dashi

lfy,da kyar na samu mai mashin na isa gida in da na
bar su yaya nan na samesu na dan rusuna nace na
kaimata yana sanarshi(wato danna waya)ba tare da ya
dubeni ba yace ki shiga daki ki dauki wata leda ke ma
kije kiyi amfani dashi nace to nagode kwarai,bai amsa
ba na mika mashi kudin hanuna nace ga canjin kai
kawai ya girgiza mani na nufi dakinshi,irin ledar da ya
aike ni da ita ce akan kujera don haka nasa hannu na
dauka na nufi cikin gida ni da mama muka duba less ne
me shegen kyau kala biyu sai wani yadi mai santsi
shima kala biyu takalmi da jakka kala biyu mama tace
kin gode,nace mama ki bani da na kamu dana su
Jamila sai na kaima yaya Sulaiman a tudun wada tace
sai dai gobe nace mata dama ai.
Ku ziyarci blog dinmu domin karanta Littatafai masu
nishadantarwa Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?
_e_pi_=7%2CPAGE_ID10%2C737012347
A ranar yaya Abubkr yazo da daddare kofar gida ya
tsaya ya aiko Kamal wai nazo,na fita muka gaisa muka
shiga hirar duniya can ya ce kanwata yau nazo da
alamurra masu girma nace to yace zancen na zama ne
na isa kofar dakin yayanmu ganin baya nan sai na
dauko kujerun shi na robana aje mana a kofar dakin
yaya kabir muka zauna ya dubeni yace lman nace
na'am yace ya kamata ace tuntuni kinsan inda nasa
gaba,nace kamar yaya kenan?yace yau dai na gaji ina
son in fadi maki cewar ina sonki kuma da aure ba da
wasa ba,nayi shiru don banyi wani mamaki ba don na
kula da hakan shima yaya Ibrahim kwana hudu kenan
da yazo min da irin wannan maganar,yace sister naji
kin yi shiru,nace to me zance?gasky yaya ni bazan
boye maka ba karatu zanyi har sai naga karshen
biro,ya tsura min ido sannan yace in har zaki yarda ki
aureni to ni kuma na miki alkawarin zan jira ki,na dan
bata fuska nace gsky kar katsaya jirana don ni sai nan
da shekara ashirin zanyi kai kuma kila a lokacin kace
na tsufa ko ni naga tsufanka,yace inda so ai tsufa ba
matsala bane nayi shiru ina tunani shi ma fa haka
mukayi dashi (wato yaya Ibrahim)sam wai jirana
zaiyi,yaya abubkr yaci gaba da matsa min nace yaya

mubar maganar nan in lokaci yayi sai ayi na sako
mashi wani zancen muna cikin hira yayanmu ya dawo a
motarshi na raya a raina cewa daga gidansu Mimi yake
sai kawai naji banji dadi ba kuma wancan abin dake
samani nauyin kirji ya taso,sau daya ya dubi inda muke
ya shige dakinshi sai naji ma duk hirar ta gunsheni
nace da yaya Abubkr zan shiga gida yayanmu ya dawo
kuma fada yake mana ya dubeni yayi shiru sannan
yace har yanzu bakida waya a hannunki ko?nace eh
amma mama tace ina gama secondary zata sai mani
ya juya gefenshi ya dauko wata leda yace min gashi
wannan ni na sai maki ba Baba bane bare mama tace
ki maida,nace to bari sai na fara fadi mata in ta yarda
sai na amsa yace dole sai na amsa ko ya kwana a
gidan nan,dole na amsa yana tfy na dauki kujerun
yayannu na nufi kofar dakinshi cikin sanda na ajiye zan
tafi naji yace wanene a nan?nace nice yace me kike
nema?nayi shiru sai gashi yazo bakin kofa fuskarshi a
murtuke yake magana wayace ki daukar min kujera?
nayi tsuru tsuru yace wannan shine na farko kuma
inason ya zama na karshe kar ki yarda ki kuma daukar
min kujera ko ni sa'anki ne?nace a'a na durkusa nace
yi hakuri bai min magana ba ya wuce daki ni kaina dari
dari nake bansan yanda zanyi da waya ba. Washe gari
nayi kuru da safe na nuna mata tace ke bakya jin
magana ko?nace miki sai kin kammala karatunki
sannan zaki ci gaba sai na sai maki waya amma kinje
kinsa Abubakr ya sai maki ko?to shi kenan,na soma
hawaye ina cewa wllh mama bani na sashi ba tace ki
maida mishi in yazo nace to har tara na safe ban daina
kukan wannan magana ba ni ba wai wayar da Mama
tace kar inyi amfani da ita bane ya dameni a'a sai dai
ganin da tayi tamkar na roka,tafe nake ina share kwalla
zanje gun mamansu Amira in amso ma mama kanunfari
zata yi ma su sagir kulin kamu yaya Kabir naci karo
dashi zai shigo gidan yace Iman me ya sameki?na
cigaba da kuka yana ta magana nayi shiru,yace nasan
su hajiyarmu ne ko?nan nayi magana nace basu bane
ni da mamanmu ne,yace duk yanda akayi kece kika
tabo ta nace wani ne ya saya mani waya shine take
ganin kamar na rokeshi ne,yace to ta kwace wayar ne?
nace nifa ba kwace wayar ne ya bani haushi ba,yace
na fahimceki kafin ya kara wata maganar sai ga

yayanmu sun nufo cikin gidan shi da Anty Mimi shima
ya ja birki yana ce ma yaya Kabir brother me ya
sameta?kabir ya soma yi mashi bayanin cewa bafa
wani abu bane wai yayanta ya bata waya shine maman
Sagir tace wai ta rokeshi ne,ya dan dubeni sannan ya
dubi yaya Kabir yace to yanzun ta kawo karanta ne?
yaya Kabir yace no na dai tambayeta ne shine take min
bayani,ya dubeni yace wannan marar kunya da ya
zauna mani a kujera shine yayanki?daka mani tsawa
yayi nace shine yace good gara da ta kwace wannaki
bashi da kunya bai iya gaida mutane ba sai aikin kallon
mutane don haka in ya kuma zuwa kice mishi ya tsaya
daga bakin gate sannan ki san kin maida mishi wayar
nan,a fusace ya yi cikin gida daga ni har yaya Kabir da
kallo muka bishi Kabir yace ki tafi inda aka aikeki,na
tafi ina mamakin wannan karfin hali wai (barawo da
sallam)
Ku ziyarci blog dinmu domin karanta Littatafai masu
nishadantarwa Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?
_e_pi_=7%2CPAGE_ID10%2C737012347
Ashe yana shiga gida dakinmu ya shiga dama shima
duk safiya yakan shiga falonmu ya gaida mama tamkar
yanda yake gaida mama tamkar yanda yake gaida
sauran matan babansa,bayan sun gaisa ne sai yake ce
mata maman Sagir mai ya sami yarinyar dakin nan na
ganta tana kuka? Sai mama tayi mishi bayani ta kara
da cewa nasan ba zata rokeshi ba na dai mata haka ne
don kar ta kuma karbar wani abu gunsa,yace hakan na
da kyau ta maida mashi zan sai mata waya bansan
bata da waya ba kuma sanda na dawo ban san tana
nan ba,mama tace ka barshi kawai yayansu nima zan
sai mata nafi son sai sun kammala krt don yan
satittuka ne suka rage masu su soma jarabawa yace
haka ne in ta gama ko ba na nan zan aiko mata da
waya,mama tayi godiya sannan ta kara da cewa ga
kuma dawainiyar kayan da ka sai mata jiya an gode,na
dawo na samu zai fita daga dakinmu na dan dube shi
harara ya watsa mani nayi sauri na dukar da kai,na
shige daki.
Sam ya manta da cewa tare da Mimi suke sai da ya

shiga dakin Haj yaya sannan ya ganta zaune tana cika
tana batsewa ya zauna a kan kafet din dakin
kasancewar mahaifiyarshi tana kan kujera ya gaisheta
ta amsa a ciki ciki sannan tace kai wai ba zakaji
magana ba ko?ya dubeta yace haj me ya faru?tace ai
kafi kowa sanin abinda ya faru don tsabar iskanci ku
taho da mimi amma ku taho amma sai ka bar ta anan
tana ta faman jiranka kuma kasan makaranta zata je
tace tun tara take da lectures yanxu goma da rabi a
ina kasa gaba?kafin yayi magana mimi tayi saurin cewa
wurin fa bakar yarinyar nan ya tsaya wai sun ganta
tana kuka suka firgice shida Kabir sai tambayarta
sukeyi ban.......tsawa ya daka mata ke shiga hankalinki
ni sa'anki ne?uban wa yace da zaki makaranta ki biyo
ta nan?me zan miki?karki sa ma bakinki kwado zaki
sha mamaki duk sanda ana min magana kika tsoma
baki ya nuna kofa da hannunsa yace see your way,fita
a nan ta mike jiki na rawa mama ki daina min fada a
gabanta kin manta ita ce matar da kika zaba mani na
aura?zata raina ni ne hajiya in kina min haka a gabanta
har tana sa baki dan raini,wllh taci albarkacinki ne da
sai na mata dukan tsiya,ya cigaba da cewa bata san
cewa ni saboda ke ni zan aure ta ba ba wai don tayi
mani ba?haj yaya tace tsaya tsaya ba na son cin fuska
ka manta ni da uwarta nono daya muka sha?bayan
haka ma mimi bata da makusa ubanta balarabe ne ka
kuma sani inma ilimi ne akan nema take gashi tana
sonka sosai amma kai sai faman goce goce kake yi shi
yasa na canza shawara kafin ka tafi sai an sa ranar
aurenku,ya dubi haj yace ki dai yi hakiri na dawo don
kar aje ana dagawa tace sam ban yarda ba yace to shi
kenan ta juya zancen dake cewa wacece take kuka ku
ka tsaya kai da Kabiru?yace waccan yarinyar da nake
aike ce,nan ta hau bala'i da masifa tace dama in banyi
da gaske ba sai Habiba ta shanye min yara yanda ta
shanye babanku kallonka kawai nake yi wannan
mummunar yarinyar yanzun itace abincinka gyaran
dakinka,aike yanzu itace tunda haka kafi so ai sai kayi
sauran ka ka soma kai shawara gun Habiba haka tayi
ta sababi yana bata hakuri har dai ta sauka,Niko tuni
nakai dinkinmu gun yaya Sulaiman nan da nan kuwa sai
ga kaya ya kawo,na rakoshi zai hau mashin nan mukayi
kicibis da yaya Kabir suka gaisa da yaya Sulaiman ga

mamakina sai naga yaya Kabir ya daure fuska ya
dubeni yace na lura baki jin magana ko Iman?me yaya
Abdulrahim yace maki?na dibe yaya kabir nace ai to
wannan ba yayan da ya bani waya bane wannan wani
ne bai saurareni ba yayi cikin gida muka fita ina ta
mamakin wannan abu da yaya Kabir yayi na dubi yaya
sulaiman da nufin nayi magana sai kawai shima naga
yayi fuskar shanu(wato ya hada rai)yace wannan kuma
wanene?nace yayanmu ne yace ni ba wani yayanku na
kula ke sam baki ma san halin da nike ciki ba ko?
gabana ya fadi nace me kake nufi?yace ina cikin
mayen sonki,na dade da yin nutso cikin kogin sonki don
Allh ki taimaka min da ganin wannan da ya wuce sonki
shima yake yi,nan take hankalina ya tashi na gudu nayi
cikin gida dakinmu na fada na kwanta a kan gado
rigingine nayi fuskata na kallon silin na soma tunani,
yaya Abubakar sona yake,yaya Ibrahim sona yake,yau
ga yaya sulaiman da wannan zancan har kuma yana
tunanin wai shima yaya Kabir sona yake, ban ganeba?
na mike zumbur tamkar an tsunguleni nace da na shiga
uku ni Iman muddin Haj Yaya taji wannan lbr na ciji
yatsana na soma sintiri a tsakar dakin tabbas da zan so
yaya kabir ko ba komai yana dan yanayi da yayanmu
wata zuciyar tace min in yana yanayi da yayanmu shi
kenan sai ki soshi a matsayin da yayan naku ya taka a
zuciyarki?shin kina neman ma kanki rigima da
mahaifiyarki?menene laifin Abubakar da ba zaki soshi
ba?ya jima yana maki dawainiya dake in ba ki son shi
ga Ibrahim nan shima dan uwanki ne sannan in dama
za kuyu adalci to da Sulaiman kika zaba ki tuna shine
yake maki hidima ta fannin dinki tun kina karama har
yau dinnan shi ke maki dinki,
****hhh! Lallai yariya taki tasameki,duk cikin wayit
blood ne*****
ban san shigowar mama ba sai dai naji an girgiza ni
sannan nayi sauri na jiyo cikin tsoro naga tana kallona
tace iman me kike tunani haka?na shiga uku ni Habiba
na soma in ina,ina cewa ba komai ta girgiza kafaduna
da karfi cikin daga murya murya tace kinsan tsawon
lokacin dana dauka ina maki magana nan kuwa baki
sani ba,na jima a nan ina kallonki kina safa da marwa
tamkar wadda abin duniya ya dama,ta ja hannuna muka
zauna a bakin gado ta sanyaya murya tace Iman sanar

dani matsalarki don baki da wanda ya fini kuma na jaki
a jikina don irin wannan ranar wato don neman
shawara kar kiji komai sanar dani ta fada tana kallona
nayi shiru ina tunanin mama gaskiya dole ne ma na
sanar da ita sai dai ba zan gaya mata maganar kabir
ba, na dubi mama nace yayyena duka uku sune suka
sani shiga wannan tunani,tace kamar yaya?na dukar da
kaina kasa sannan nace yaya Abubakar da yaya
Ibrahim da kuma yaya Sulaiman kowanne yazo wai
yace yana sona,Mama tayi shiru kamar ruwa ya cita
tace ke me kika gani?ta cigaba da cewa Abubakar da
ne ga yayar mahaifinki cikinsu daya,Ibrahim kuma dan
kanin mahaifinki ne da suke uba daya shi ko Sulaiman
dan wana ne nima cikinmu daya sai ki fadi min wanda
kika zaba?nayi shiru tunani ya dawo sabo mama tace
ba tunani zakiyi ba sanar dani abinda kikace masu ke
kin amsa musu dukansu ne?nace aa duk hakuri na
basu,nace ni karatu zanyi amma tamkar sun hada baki
kowa sai yace zai jirani yaya Sulaiman ne ma ban
tsaya yi mishi magana ba,mama ta dafa ni sannan tace
yanzu gaya mani a cikinsu wa kikafi so?sai na baki
shawara nace gsky mama ni cikinsu bana son kowa,ta
mike tana fadin alhamdll gara hakan don dama ko da
dole sai na zabi daya ne,to nace gara Sulaiman yaron
na da mutunci,kuma naji ma ina fuskantarshi game da
ke ma na dade da gane cewa sonki yake nayi kwadayin
dama shi kadai ne yace yana sonki taci gaba da cewa
yanzu in naceki amince dashi sai ace don yaron
danuwana ne shi yasa don haka ki kwantar da
hankalinki kinga jarabawa na matsowa kar ki yarda na
kuma samunki kina wannan tunani ba yarda za ai ki
auri wanda bakiso ba mai matsa maki don karatu ma
zakiyi,haka mama tayi ta lallashina har dai na saki jiki
sai dai a raina maganar yaya Kabir itace a raina.
Ku ziyarci blog dinmu domin karanta Littatafai masu
nishadantarwa Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?
_e_pi_=7%2CPAGE_ID10%2C737012347
Tun ana saura kwana uku bikinsu anty mariya dangi
suka cika gidan,fannin